Bwthyn clyd, traddodiadol yw Tregynrig bach sy’n cynnig croeso cynnes, beth bynnag fo’r tywydd! Yng nghanol tir fferm llawn golygfeydd ger pentref Bae Cemaes, mae Tregynrig Bach yn lle delfrydol ar gyfer pob math o weithgareddau. Cewch grwydro Llwybr Arfordir Môn, neu ymweld ag un o’r amryw o draethau braf (mae traeth Cemaes lai na 5 munud i ffwrdd) neu atyniadau lleol sydd yma, bwyta allan neu ymlacio yn ein twb poeth preifat – mae gan Tregynrig ddigonedd i’w gynnig. Mae croeso i gŵn yn y bwthyn hefyd, felly gall eich anifail anwes ddod efo chi ar wyliau! 

 

Ein nod yw bod yn gartref tawel oddi cartref, lle gallwch ymlacio a rhoi eich traed i fyny mewn awyrgylch cysurus. Gyda golygfeydd prydferth o gefn gwlad a mynyddoedd Eryri, mae Tregynrig bach wedi’i amgylchynu gan natur, ac mae tân coed yn yr ystafell fyw hefyd – perffaith ar gyfer nosweithiau gaeafol. 

 

Rydym wedi creu bwthyn clyd, gyda nodweddion traddodiadol a modern er mwyn creu lle braf a chysurus i aros.